Ka takaro ngā tungane Aupouri i tā rātou kainga tipu

Ko Kauri Aupouri he 20 tau te pakeke, tētahi kaitākaro me mataki i anamata i te NRL.

I pakeke mai ia i tētahi o ngā kapa makau o Pōneke i Te Aroha Eels, ā, hei te pō nei hoki atu ai te kaitākaro Warriors nei ki tōna kāinga tipu, tākaro ai ki te aroaro o tōna whānau i te taiwhanga o Westpac.

Ko ia tētahi o ngā tino tuna o Te Aroha e kai kora nei.

“Kia ora ko Kauri Aupouri tōku īngoa, ki te taha o tōku pāpā ko Ngāti Porou te iwi, ki te taha o tōku māmā ko Te Atiawa te iwi.”

Nō tērā wiki puta tuatahi ai te māhuri nei mō te kapa taina o ngā Warriors ā, i tēnei wiki kei te hoki atu ia ki Westpac tākaro ai.

E ai ki a Aupouri, “E ihiihi ana au ki te hoki ki te kainga ki te tākaro ki mua i aku kaiwhakaako, hoki i taku whānau me aku hoa.”

Ā, ehara ko ia anake te mema o te whānau e tākaro ana ki Westpac, ko tōna tuakana ko Mohi Aupouri ka wāhi i te rā, i te whiringa toa o te whakataetae o Pōneke mō ngā tuna o Te Aroha. 

I ngā Penrith Panthers a Kauri e tākaro ana mō te rua tau, hēoi i whati o tōna raparapa, katahi ia ka hoki mai ki Aotearoa kia tutuki ai tētahi moemoeā.

Hēoi ahakoa ngā ahuatanga hei whakanui, he mahi tonu me mahi e Kauri.

Hei āpōpō tuki au ai ratau ki nga Dragons.