Kua puta i te kaitākaro haupoi Māori, i a Gemma McCaw te kōrero, ka tāoki ia i āna mahi tākaro mā te kapa Rākau Pango, e pai ai tana para i huarahi kē atu.
E whai ana tēnei whakatau āna i tana kore whai wāhi ki te whakataetae Oceania Cup ka tū ki Poihākena i tēnei marama.
He rua rau whā tekau mā ono ngā kēmu i tākarohia e ia mā Aotearoa, ā, he whitu tekau mā tahi katoa ngā pironga i riro i a ia mai anō i tāna kuhutanga atu ki te kapa i te tau rua mano mā waru.
