Ko ia te kanohi o te Mana Motuhake, ā, kua tū tōna ringa hei mema ki runga i te rārangi whānui o te Pāti Māori.
Ko tā Tame Iti e tūmanako nei ka oti atu tāna takahi i te ara tōrangapū ki te Whare Pāremata.
Hei tā Tame Iti, “Tēnei te tira hōu e haere mai nei, ko tātau tērā kia noho piritata tātau ki tō tātau hoariri ki te whaiwhaiā, tērā te wāhanga e tika mā tātau tēnā koa!”
Ko tāna kua rerekē ia i ōna rā porotehi, e whakapono ana ia mā te noho ki te tēpu whiriwhiri e kitea ai ngā hua.
Mai rā anō tōna tautoko i te Pāti Māori, nā konā kihae ia i te hiahia ki te uru ki roto i te rōpū ipurangi me MANA.
Kāre anō kia puta te rārangi o te Pāti Māori engari e tūmanako ana a Tame ka uru ia ki te tekau o runga.
