Ka tū te kapa Te Rau Taiohi mo te wā tuatahi ki ngā whakataetae a rohe o Te Whanganui ā Tara

Hei ngā rā whakatā ka kuhu atu te rōpū Te Rau Taiohi mo te wā tuatahi ki ngā whakataetae a rohe o Te Whanganui ā Tara. I kōrero tā rātou kaiako, a Rahera Davies no Tūhoe, ki a Te Kāea i mua i te ra nui.

Davies says, “I tīmata mai a Te Rau Taiohi i te tau rua mano mā whitu. Nā māua ko Te Teira Davis te rōpū i tīmata i tēna wā. Ko te kaupapa nui o te rōpū o taua wā he wāhi ahuru, he wāhi whakakotahi i ngā rangatahi e noho ana i te rohe nei, he whakau i a rātou he wāhi hei hono i o rātou tūrangawaewae.

Koinei te wa tuatahi o te rōpū nei ki nga whakataetae a rohe. Ko te whainga nui o te haerenga te tautoko i ngā mahi o kapa haka o te rohe nui, me te whainga nui kia eke anō tētahi rōpū ki Te Matatini.

Ētahi o ngā taumahatanga he whai wā te ata mahi ki te whakarite i ngā waiata te tito waiata te kimi tangata te tunu kai ngā wāhi parakitihi, he taumahatanga o tēnei mahi kaiako.

Ōku whakaaro mō te whakaurutanga mai o te karanga kei roto i ahau kei te huri haere ētahi whakaaro he aha ta nga kaiwhakawā e kimi ana, me te ahu āwangawanga kua pai tēnā ki te haukainga kia Te Atiawa, kei te karanga mātou a tangata whenua nei a aha nei.

Tōku ngākaunui he whakaako i te haka ki te hunga e ngākaunui ana hihiko ana i roto i ahau i ngā kaihaka e hakoakoa ana i te papa e whakaputa ana i o rātou ihi, he whakahihiko ngākau ki ahau.

Ko te whainga nui mō Te Rau Taiohi ko te whakatu rōpū wha tekau mō ngā whakataetae a rohe e haere ake nei i te mea kia tae mai a Te Matatini ki Te Whanganui ā Tara kei te pīrangi mātou te whakatu rōpū kaha.”