Ka tū te tangi mō Jerry Collins ki te taone e tipu ake ana ia, ki Porirua. Kāhore anō kia tau āhea hoki mai ai te tūpapaku o te toa whutupōro i Wiwi engari kua whakatauria ka tū tōna poroporoāki ki Porirua ki wāenganui i tōna whānau me ona hoa maha.
Hei tā te māngai mō te whānau a Tim Castle, e mahi ana rātou kia hoki mai a Jerry ki te kāinga.
I aituahia a Jerry rāua ko tōna wāhine a Alana Madill i tētahi tukinga waka i Wiwi i te Rāmere kua hori.
E noho taumaha tonu ana a rāua pepi a Ayla ki rō hohipera i Montpellier.
