Ka tū te whawhai tuarua a te kaimekemeke a Ricky Murphy hei tēnei Rāmere

Hei tēnei Rāmere puta atu te toa mekemeke nei a Ricky Murphy mō tana whawhai tuarua whai utu ka mutu, he āhuatanga kua whakahihiko i tana kaiako a Shane 'Te Maunga Whakahī' Cameron ki te whawhai anō hei te mutunga o te tau.

Mai i te wā te waru tau te pakeke o Ricky Murphy, ko ia tērā i tū ki te kokonga whawhai a Shane Cameron hei reo manaaki, ringa āwhina hoki.

Ināianei kua huri a rāua tūranga mahi.  

I ōna rā angitu ai te umanga whawhai o Cameron, engari ko te mahi ināianei he whāngai i ana mōhiotanga katoa ki a Murphy.  

Ko te mahi a te kaiako matua he mau i ngā karapu mekemeke, engari i ētahi wā whakaharatau nei rāua ki ngā mahi whawhai hoki.

Mā ngā momo mahi nei i tipu ai te kōingo ki roto i a Cameron ki a puta anō a ia ki te mura o te ahi mekemeke hei te mutunga o te tau, engari kāore i te mōhiotia ko wai te hoariri    

Hāunga rā mō Murphy ka whawhai a ia i tana tino whawhai o te wā, ko  Peter Tovio te hoariri, kua pakanga atu kia Rob Berridge me Adrian Taihi hoki.  

Hei tā Murphy, e ngākau māia ana te whakaaro ka toa ia.