Kāore te hau mātao me te kaha o te marangai mō te whakangawari noa i te pikoko a ngā toki eke ngaru o te motu, e karahuihui atu ana ki Otepoti i tenei wiki, nā runga anō i te karanga ā te whakataetae Billabong eke ngaru a motu mo tenei tau.
Puta atu ana i te ua tatariki o Otepoti, e whakareri ana mo te mura o te ahi.
Ko Kea Smith te ingoa kei nga ngutu o nga iwi o konei. He whakataa te kai i tenei ra. Mo apopo eke atu ai ia ki nga whiringa toa e toru, i nga wahanga kohine tekau ma ono heke iho, tekau ma waru, ka mutu, tona tau tuatahi ki te wahanga matua.
Ko ta nga kaiwhakahaere o te kaupapa he whakarauika mai i nga taniwha hikuroa o enei moana.
Ko Kea tetahi o era, e rere komingo ana ki nga whakataetae punua o te ao a tera wiki.
Ara hoki tona hikoinga roa ki tona taumata.
Mo āpōpō tae atu ai ki te eanga o te kaupapa mo tenei tau. He ata tirotiro ki tatahi ano hei kawe i te mana whakahaere ki raurangi.
Ko te whiringa toa tuatahi apopo hei te waru karaka.
