Ka tukuna ngā tohunga tunu i a rātou urunga mo te whakataetae kōpaki mīti

Kua tukuna e ngā kaitunu pōhā me ngā tohunga tunu kōpaki mīti i a rātou urunga ki te whare kōpaki mīti matua o Aotearoa ki Tāmaki, kia kitea ai kei a wai te kōpaki mīti toa o te motu.

E ai ki ētahi koinei te mahi o ngā mahi, he whakawā, he ine i te taumaha, he rongo i te kakara, he kai hoki, kia rapu ai kei hea te kōpaki mīti reka o Aotearoa. Ka whakawāngia i te āhua, te pōhā, me ngā kai o roto hoki.

Nō reira he aha ngā paearu mō tētahi kaiwhakawā? E ai ki te kaiwhakawā rangatira nō Ngāti Porou a Tim Aspinall kotahi te tino paearu.Hei tā Tim Aspinall, ko te mea matua kia mārama ai koe ki te hanga kōpaki mīti, te pōhā, ngā kai o roto, te tunu me te whakaatu.

He kōpaki mīti me te tīhi te toa i tērā tau nā David Liem nō Greenland Bakery & Cafe ki Botany, he rima tekau mā rua ōna mētara koura nō tana kuhunga atu ki te whakataetae i te tau rua mano mā tahi. Engari e ai ki a Peter Rewi kua hiki te taumata o ngā kai.

5000 ngā kōpaki mīti nō ngā pito katoa o te motu, tekau mā waru ngā kaiwhakawā, ko wai ka hua, ko wai ka tohu, hei te Rātū mōhio ai.