Ko ngā whakanuitanga mō te kotahi rau tau o ANZAC i tīmata ki te taone matua i te rā nei, i te whakatinanatanga mai o ngā mahara me ngā wheako o ētahi hoia i pakanga ki Gallipoli, kua hora i roto i ētahi whakakitenga koiora tonu nei te āhua.
Hei āpōpo hoki, whakatuwherahia ai te papa whakamahara ā-motu o Pukeahu mō te pakanga. Ā, i whai tirohanga tōmua kē tā mātou
He whakakitenga o te pakanga nui nā te ringatohu rongonui a Tā Peter Jackson, ahakoa tōna whakapono he pakanga koretake noaiho.
Heoi, ko ngā mahi maia o a tātou hoia e kore e taea te whakaiti, ā, e mōhio pū ana ia ki tēnā.
Ko ngā mahi taumaha o ngā hoia i whakatinanatia i tēnei whakakitenga. Mai i te whakamahinga tuatahi o ngā waka taua, tae rawa ki te āhua o ngā peita kirihuna rerekē i whakamahia i aua rā, me te whakatae i ngā whakahua tawhito pango me te mā.
Hei tā Ngawai Walden, “Ka kite koe i te mamaetanga, te pouritanga kei roto i ngā pikitia, tā te mea i mua rā, kare koe i tino kite i roto i te pango me te mā.”
Ko Ngawai Walden te kaiārahi manuhiri o te whakakitenga. Hei tāna, he āhuatanga hou hei akoranga mā te katoa.
Tekau mā waru mano, kotahi rau ono tekau mā ono nga hoia o Aotearoa i mate i te pakanga tuatahi o te ao mai i te tau kotahi mano iwa rau tekau mā whā, ki te kotahi mano iwa rau tekau mā waru.
Koinei te wāhanga tuatahi o te whakakitenga, hei te otinga ka toru wāhanga katoa te rahi.
Hei tā Walden, “Taumaha o rātou mahi mō mātou mō i tēnei rā, mō mātou e ora ai i tēnei wā. Ka inoi atu ki a rātou mō tō rātou mahi i taua wā.”
Kāti, hei āpōpō tūwhera ai te whakakitenga ki te motu whānui.
