E hari ana tētahi ika ā whiro Māori, nā ngā tohe a Te Pāti Māori mō te Pire Tautoko i ngā Ika ā Whiro, ka wātea ai te penihana pakanga ki ngā hoia ō-mua whānui tonu, kaua ki ērā noa iho e pāngia nuitia ana e te mate.
Engari, hei tā te māngai take ika-ā-whiro o Reipa, kaare te pire i te tautoko tika i ngā hoia ō-mua e matemate tonu ana.
I raro i te pire, ka turaki i te Ture Penihana Pakanga, ka tuwhera ngā tatau whiwhi penihana ki ngā ika a whiro katoa he kaumātua ake i te 65 tau, kaua noa ngā mea e noho taimaha ana
Hei tā te ika ā whiro nei i whawhai ki te Pakanga o Vietnam i ngā tau ono tekau, he karere pai te rongo ka utua te penihana ika ā whiro e ai ki te taumata utu penihana kaumātua, e kore hoki ngā utu a ngā ika ā whiro e aromatawaitia e whiwhi kāri hapori ai rātou
Ahakoa i tautoko tuatahi atu te Pāti Māori i te tono a te māngai Ika ā Whiro o Reipa, kia whakawhānui i te utu ki ngā ika ā whiro i te wā o te mate, kīhai rātou i ū ki tēra, ā, hei tā Phil Goff, kua huri tuara atu ngā whakahounga ki nga tutohunga a te Komihana Ture o Aotearoa me te Rōpu Tautoko i Ngā Ika ā Whiro.
Nā te Minita Ika ā Whiro tonu, nā Michael Woodhouse te Pire Tautoko i Ngā Ika ā Whiro i whakatakoto ki te Whare Paremata i tērā tau, ā, nōnāpō rā i tae atu ai te Pire ki te wahanga tuatahi o te Komiti Whāiti.
