Inā te mano tini o ngā tauira huri noa i te ao ka whai wāhi atu ki te whakatu porotēhi, kia āhei rātou te whakatenatena i ngā kaitōrangapū ki te āta tiro atu ki ngā take āhuarangi. Hei te wiki e tu mai nei ka whai ngā tauira o Aotearoa i ēnei whakatauira. Ko te pātai ia mēnā e whakaae ana a Aotearoa whānui ki te whakawātea mai ngā tauira ki te whai i ēnei āhuatanga.
Koinei te ahua o te ao kahore ngā rēanga mō āpōpō i te hiahia, inā kua tau kē he māhere. Ina kua tae mai te waa ki te kawe i ngā take mai nga ruuma ki te tiriti. Engari ahokoa te manapori a te tauira kia rangona he whakatupato anō.
He maha ngā whakāro a ngā mema paremata. Ko tā te kaiarahi o te rōpu Nahinara a Simon Bridges, "ki ahau nei he take tino nui tēnei engari kaore au i te hiahia kia whakaputa kōrero e whakatenatena ana i ngā tauira kia whai wa ki te puta atu i te kura.
Ko tā Stuart Nash o te rōpu Reipa, "Kotahi te kupu māku, ka mīharo ahau ki te kite o tātou hunga rangatahi e ako ana i ēnei kaupapa nui mō Aotearoa rua mano."
Ko tā Damien O'Connor o te rōpu Reipa hoki, "He rā mō ngā kaiako anake, ko tēnei te rā mō ngā tauira anake. He huatau ēnei tamariki kei roto a mātou ringaringa ko ta rātou āpōpō. Kaore ha paku raru ki ahau."
Ko tā te kaikōrero mō ngā take mātauranga o te rōpu Nahinara a Nikki Kaye, "e tautoko ana i to rātou reo me te manako ia kei waho kē i ngā haora o te kura hēoi, kei a mātou ngā minita whakapanoni e whakatenatena i te iwi kia kaua e haere ki te kura."
Ko tā te kaiarahi takirua o te rōpu Kākāriki a Marama Davidson, "he aha tēnei mea te mātauranga mēnā e kore e whai wāhi atu ki te kōrero ki ngā tāngata o konei mō te take tiaki i te ao me te whai rongoā i ngā kaitōrangapū ki te tautoko i ngā kaupapa pēnei."
