Ka whai hua ngā mātua me ngā pēpi o Aotearoa i ngā rerekētanga ki te utu mātua whakawhānau

updated

E rua tekau mā tahi ngā tau o Te Ataakura Pewhairangi, e tata ana ki te whānautanga mai o tāna pēpi tuatahi.

Ā, i te taenga mai o ngā rerekētanga ki te utu mātua whakawhānau, ka kitea te piki mai i te tekau mā whā wiki ki te tekau mā ono wiki.

E ai ki a Te Ataakura, he rua wiki tērā e wātea ai anō ia te noho me tōnā pēpi.

Kei te kōpū ngā whakaaro o Te Ataakura Pewhairangi, i a ia e tatari ana ki te whānautanga mai o tana tamaiti tuatahi.

Kua iwa marama iaianei e whai haere ana i tana haputanga, ā, hikaka katoa ana a ia kua piki te utu whānau pepi.

Hei tā Pewhairangi, "Kia whai wāhi ngā māmā te āta noho ki a tātou tamariki i runga i taku mōhio ehara i te mea  ka pakupaku rātou ka noho tamariki rātou mō te wā roa."

Tā Te Kauae Kaimahi, ahakoa e harikoa ana ōnā kaimahi ki ngā whakahau hou a te kāwana, he rua tekau mā rua wiki te utu whānau pēpi matua kei te uepu ohanga o te ao, he ono wiki nui tērā i tō te utu whānau pēpi i Aotearoa nei.

E ai ki a Sam Huggard ko te utu whānau pēpi nui rawa e āhei ana te tangata ko te rima rau tāra tāke-kore, nā, he waru tekau mā rima ōrau tērā o te utu o raro.

Heoi anō mō Te Ataakura, he pai ake te moni i te kore moni.

Ki tā Pewhairangi, "Ko te pūtea tautoko ka tukuna mai ki a māua ko taku pēpi otirā ko mātou ko tōku whānau, he tautoko nui rawa atu."

Hei tērā tau, ka piki anō te utu whānau pēpi ki te tekau mā waru wiki.