Ka whakaatuhia tuatahitia ngā pueru a tētahi kaihoahoa Māori hei tēnei wiki NZFW

Kei Tāmaki Makaurau e tū ana te wiki whakarei pueru o Aotearoa i tīmata inanahi.  Ā, kei waenganui i ngā ringa mākohakoha o ngā ihu auaha o te whakahoahoa pueru, ko ētahi uri Māori e takahi ana i te ara poutama.

He rua tekua mā whā noa iho ngā tau o te uri o Ngāti Kahungunu a Jimmie Mackay, ā, ka kite i āna hua i runga i te ara pueru mō te wā tuatahi hei āpōpō.

Nā āna pueru i whai haerenga ia ki Īnia, ki reira mahi tahi ai me ētahi atu kai-whatu pueru, ā, he nui ana whāinga.

I tēnei wā he tauira mahi ia ki te whare pueru a Paula Ryans e mea ana, ka tere te kārohirohi i mua i tō Jimmie huarahi.

Ka whakakitea ngā mahi a Jimmie i runga i te ara pueru āpōpō.