Inā tata nei tae mai ai te kaiwaihanga pueru Māori nō Ahitereiria, a Kylie Mangan ki te whakaatu i ōna pueru e kii ana ko 'Black meets White' ki te wiki pueru nui o Aotearoa.
Nō te tūtakitanga atu a Wepiha Te Kanawa i te orokohanga mai a Kylie ki roto i ēnei mahi, he mārakerake te kite, he whakatipuranga humārie tōna.
Kua hoki mai te kaiwaihanga pueru nō Queensland a Kylie Mangan ki tana ūkaipō, ā, he whainga kei mua i te aroaro.
I timata a Kylie i ana mahi waihanga ki tana kainga e waru tau ki muri i runga i tana tēpu kai, ā, i toa ia i te whakataetae o Miromoda mō te tautōhito hanga pueru.
Ko tana whakaaturanga hou e kiia ana ko 'Black meets White' e aro ana ki tana taha Māori, Pākehā anō hoki.
I ngā tau ki muri whakamahi ai ia i ngā kōwhaiwhai Māori, heoi kua rerekē rā i tēnei tau.
Ka puta ngā pueru o Kylie ki te papa hikoi o Miromoda āpōpō ki te Viaduct.
