Ka whakanui te toki Chiefs a Hikawera Elliot i tētahi ekenga nui kotahi rau takaro i te Super Rugby ki tōna kapa o mua.
Rua mano ngahuru mā waru tōna tau tākaro tuatahi me te kapa Hurricanes ka mutu, ka tū hoariri atu ki a rātou i Ngāmotu hei te Rāhoroi. I kōrero tahi māua ko te ika-a-whiro nō Ngāti Awa mō te tohu nui.
Ko ia te tino o ngā waetikape Chiefs
Ko ana takahanga i te nuku o te papa whira i tīmata whitu tau ki muri nei, ko ia tētahi o te tokoiti o te kapa Chiefs i tākaro tahi me Jerry Collins.
He tekau mā rua ana tākaro me te kapa nō Te Whanganui-a-Tara tōmua i tana nekehanga ki te uru hei toki mā te Chiefs i te rua mano ngahuru mā iwa.
Toru wā i mau ia i te poraka Ōpango, iwa me te tira Ōpango Māori.
I tana tākaro whakamutunga ka whara tōna kakī i te tukinga Ōpango Māori ki a Kānata i te tau rua mano tekau mā toru, tērā te pōhēhē i mutu kē ōna rā tākaro.
Inā pō rā i tētahi huinga tohu tākaro i whakawhiwhia ia ki te tohu Chiefs Mana.
Hei te Rāpare ka whakaīngoatia te kapa Chiefs mō tā rātou tukinga kāinga ki te kapa Hurricanes.
