Ka whakanui Te Wharekura o Rākaumangamanga i ngā tau rua tekau o ngā mahi kapa haka

Ko rātou ngā toa tuatahi o te whakataetae kapa haka ma ngā kura tuarua o te motu, ā i tēnei tau i whakaihuwaka anō.

I tēnei rā, i whakanui ngā tauira ō-mua, o nāia hoki o Te Wharekura o Rākaumangamanga i ngā tau rua tekau o rātou e tū ana i te tū a Tāne-rore.

Kua hoki mai ano te tokomaha o ngā tauira o Te Kura o Rākaumangamanga ki te Kura, whaimuri mai i ngā whakanuitanga o te Koroneihana a Kīngi Tuheitia, ā, ko te 20 tau o ngā mahi kapa haka i te kura, te kaupapa matua o te rā.

Ko te Kapa Haka o te Kura tuarua te Kapa makau o te wā, i ngā wiki tata i hoki toa mai rātau i ngā whakataetae o te motu i Tūranga nui ā Kiwa,

Heoi i tēnei rā he hoki mahara ki te hītori Kapa Haka o te Kura, rātau mā ngā tauira o mua, tae atu rā ki ngā uri whakaheke e whai tonu ana i ngā mahi a Hine Rēhia, a Tāne Rore

Otira, e paihere ana i a rātau mahi katoa, ko te noho whānau a te hāpori o Rāhui Pōkeka, me tō rata ū tonu ki ngā mātāpono o te Kīngitanga