Rua mano ngā tāngata kua tae ake ki ngā whakanuitanga mō te rua rau tau o ngā mahi tauhokohoko a te Māori ki Parramatta.
Ko te rangatira tēnā o Ngāpuhi, ko Ruatara, i haere ngātahi me Samuel Marsden i te tau tahi mano waru rau tekau mā whā, ā, i reira tīmata ai te ahu tauhoko a te Māori me te Hāhi Mihingare o Aotearoa.
Ka whakawhirinaki atu te Māori ki te tangata whenua, ā kei te mau tonu tērā here mohoa nei.
Heoi hei tā Hone Sadler nā te hono o te Māori ki a Samuel Marsden te Māori i tino whai hua ai.
E ai ki te kaiwhakahaere nei a Chris Barber, ahakoa he taumaha ngā mahi ki te whakatū te hui nei, me whakanui ka tika.
Kāore e kore ka mau tonu te hononga a te Māori ki konei mō ngā rau tau kei te heke, me te whai i o rātou moemoeā ki te Whenua Moemoeā nei.
