Ko ngā ratonga whawhati tata i tukua i tētahi wāhi whakatū whare i Orākei i te rā nei.
E ai ki ngā whakamārama, i whara te māhunga me te ringa o tētahi i tētahi wāhi mahi i te Ara o Paora. I riro i Te Ao Māori ētahi whāataata o ngā ratonga whawhati tata e tuku āwhina ana.
E rua ngā taraka, ko tētahi nō Remuwera, ko tētahi nō te puku o Tāmaki i tukua me tētahi waka tūroro.
Ko Worksafe e mahi ana ki te rangahau i tēnei take i tēnei wā.
Kei te whai tonu kia whakapā atu ki a Southbase Construction, te kamupene nō rātou te mana whakahaere i te wāhi mahi nei.
Mā Te Ao ngā taipitopito o te wā ki a koe.
