Ka whawhai a George mō te taitara mekemeke WBO Welterweight Asia-Pacific

Taroi Black

E rima tau ki muri, ka aituāhia a Cairo George i tētahi tukinga motupaika, ā ka kī ake ngā tākuta, e kore rawa ia e hīkoi anō.  Heoi, hei ngā wiki e whā e heke mai nei ka eke ia ki te papa mekemeke ki te whawhai mō te taitara WBO Welterweight Asia Pacific.

Ka whara tōna tuara i roto i tētahi aituā motupaika.

"I te rā i kii mai ngā tākuta e kore au e hīkoi anō, ka īnoi ahau, ā, ka whakaarohia mō tōku koiora, me te whakaaro inā ka whakaora i au anō, ka rerekē taku kitenga ki te ao."

Mai i tōna aituātanga, ka wikitōria te kaimekemeke o Aotearoa i ngā taitara e rua mo te ono tekau karamu me te ono tekau mā whitu karamu.

Ināianei kei raro a ia i ngā whakaakoranga o Lollo Heimuli.  

E whakapono ana a Heimuli, ko George tētahi o ngā tino muna o te ao mekemeke.  Kua kitea e ia te whakawhanaketanga a George, ā, kāore hoki a Heimuli i te kaiako whanako i ngā tauira a tētahi atu.  Waimarie ia i hiahia a George ki te mahi tahi ki tōna taha." 

He whānau rongonui tō George mō te mekemeke, kei roto i tōna whakapapa, "Ko taku kōingo ki te wikitōria ia rā taku painga."

Hei te rua tekau mā tahi o Poutū-te-rangi tū ai te Asia Pacific, kei reira whakataetae atu ia mō te taitara WBO welterweight.