Ka whawhai te toa mekemeke Heavyweight o Aotearoa i te huinga whawhai o Danny Green

Ka whawhai te toa mekemeke Heavyweight o Aotearoa a Hemi Ahio i te huinga whawhai o Danny Green i Poipiripi hei te Rāapa te tekau mā iwa o ngā rā o Akuhata.

Rua tekau mā whā tau te pakeke o te whakaihuwaka nei, he ōrite tōna hanga whawhai ki a Mike Tyson rāua ko Davd Tua, ka whawhai atu a ia ki te toki o mua o te tākaro whanameke K1 Andre "the Giant" Meunier.     

He hanga nui whakaharahara tōna.

Nō te kitenga atu i ngā whawhai e rua a Ahio i tonoa ia e te kirikawa kua whā ngā ekenga ki te taumata ikeike, a Danny Green ki tana huinga whawhai.   

Kua whā tekau ngā whawhai whanameke a tōnā hoariri, ka mutu e toru tekau mā tahi matomato.  

I mātakitaki a Grant Arkell, te tangata i poipoi i a Jospeh Parker i a ia e noho runaruna ana i tēnei ao, i a Ahio,  me te whakamīharo atu ki tōnā pai. 

Hei tēnei Rātapu ka rere atu a Ahio me tana kapa ki Poipiripi.