He whānau o Taranaki Whānui ki Te Ūpoko o Te Ika ka āheia ki te hoko i ō rātou whare tuatahi i raro i te rautaki hanga whare tuatahi a te Iwi. Ko Paetutu te ingoa o te kaupapa hanga whare hōu, ā kua tukuna ki te iwi kāinga te mana hoko tuatahi.
Kia hoko whare ngā uri i tō rātou ake papakāinga te aronga matua o te iwi.
“That it's warm, that it's safe,” i mea atu tētehi kaitaratī o Port Nicholson Block Settlement Block Trust ara, a Kara Puketapu-Dentice.
“It's not leaky and it's in our rohe, it's in our takiwā. It's not in Australia where a lot of our whānau are and are going. So the more we keep here the better.”
E rima tekau mā ono ngā whare hōu e rua, e toru rānei ngā ruma moe ka hangaia. Me tōna hanga he mahana, he haumaru hoki hei aukati i ngā pānga kino a ruaumoko.
E ai ki te hemana o Te Tumu Kāinga e ai ki a Basil Tapuke, “(It’s) Flexible, so even though it's concrete, the foundations allow it to move.”
E rua tau ki muri i hoko ai te Tarahiti Whakataunga ā Iwi, i raro i te Mana Hoko Tuatahi. Nā te ekenga o te utu ki te taumata teitei e rima rau ono tekau mano tāra, i kapo rātou i taua hua.
“That they feel security,” i kī atu a Puketapu-Dentice.
“That they can build their own equity as a whānau and use that as an opportunity to grow and develop their own whānau, so they're not spending money on rent.”
E ai ki tētehi o ngā whānau e tono nei ki te hoko kāinga, mei kore te kaupapa whare o Paetutu, ka kore rātou e hoko kāinga he ngāwari te utu mā te Putea Homestart i te rohe o Te Whanganui a Tara.
“Tērā tō rātou whenua kia hoki mai anō te whānau, ngā tamariki, ngā mokopuna, e tata ana ki Poneke, ki Te Whanganui a Tara ki te whai mahi,” i mea atu a Tapuke.
Ka tīmata te hanga i ngā kāinga ruarua nei hei tērā marama. Ko te whakapae ka noho ngā whānau ki ngā kainga i roto i ngā marama e ono e haere ake nei.
