Ka whiwhi tētahi kaipakihi ngā tika ki tētahi whenua rāhui?

Kua tata ki te rua tekau tau ngā whakahē ki te mahere a te kaunihera-ā-rohe o Te Taitokerau e haere ana, arā, kia tukua ki tētahi kaipakihi o reira ngā tika ki tētahi whenua rāhui.

Nō te rā nei tae atu ai tēnei take whakawehewehe ki mua i te aroaro o te poari-ā-hapori o te rohe nei.

He whenua rahui ki te tahamoana o Te Pewhairangi, kei te tohe tonutia te tono kia tuku i ngā tika o tēnei whenua tumatawhanui ma Doug Schmuck e whakamahi, nana hoki te pakihi mahi poti ki tahaki mai.

No te rā nei katahi ka ara ake ano tēnei take ki te aroaro ote poari-a-hapori o te rohe.

Kihai te koromatua a John Carter i pai ki te whakaputa kōrero i runga kamera i mua atu ngā whiriwhiringa o tēnei poari engari ko tana ki Te Kaea neke atu i te waru rau mano tāra ngā moni kua pau i te kaunihera i roto i ngā tau hei utu i nga roia e whai ana i te take nei. Na, heoi anō tā te kaunihera he aru tonu i ngā tohutohu a ngā tohunga o te ture.

Hei te ahiahi tonu nei puta ai ngā tutohutanga a tēnei poari mō te take nei.