Kāore he utu here mā ngā tama mō te whakapae kōhurutanga

Kāore he utu here mā ngā taitama tokorua kua utaina ki te whakapae i muri i te kōhurutanga o Arun Kumar, he rima tekau mā whitu ōna tau.

He whakapae whānako rupe i utaina ki te taitama, he tekau mā rua ōna tau.  He whakapae kōhuru i utaina ki te taitama, he tekau mā toru ōna tau.

Kua puta te aaki i nga kaiwhakahaere pakihi o te rohe kia tokomaha ake ngā porihimana ki ngā tiriti nei, heoi, e ai anō ki a Illene, he kaimahi tirotiro pere ohiti ahi (fire alarm maintainer), kua piki kē te tokomaha o ngā pirihimana i te tau kua hori ake.

I tū rāua ki te aroaro o te kōti ki Waitākere i te rangi nei, me te aha, ko te wā tuatahi tēnei kua kitea te tokorua nei e o rāua whānau, me te whānau o te whakahere nō te wā i pā ai te aitua i te ata inanahi.