Kāre e mōhiotia ana mēnā ka whakahōungia te kirimana mō te Tarahiti Kōhanga Reo

Ko te hokonga whaiaro o ētahi motukā me te utu i ngā haerērenga whaiaro ētahi o ngā kitenga a te Tari Tai Whenua ki nga pūtea taurewa hāpai whānau a Te Pātaka Ōhanga.

E ai ki te Tari, he maha ngā taurewa i tukuna i waho atu i nga tikanga tākoha, ki ētahi kaimahi o Te Pātaka Ōhanga, a rātou whānau, tae rawa hoki ki te tana taumata poari.   

Kāre he pai, kua tuhia kē tērā i runga i te ripoata mai i ērā Manatū ki te poari, kei te mōhio te Poari kāre i te pai.

I te otinga ake ko te whakatau a te Tari Tai Whenua, i hē rawa atu ngā mahi whakahaere, waihoki i takahia ngā ture. 

Āpiti atu tā te Tari Hara Tāware kitenga i hē te whakahaere a poari.

Ā kotahi noa te pātai mō te taumata o runga..

Ae mārika ko te kirimana matua tera e korerotia nei, te kirimana e kore e whakahoungia i tenei waa e te Manatu Matauranga mo nga putea whakahaere rua ira rima miriona tāra a te poari matua.

Heoi, kua puta kē te kōrero i tētahi o ngā mema o te komiti whāiti, he kaimahi ano hoki o te Poari Matua, me noho tonu te hunga pakeke ki runga i te Poari.

E ai ki te heamana o te komiti whāiti, ki a Tā Toby Curtis, ka tono whakamārama ia i tana mema komiti mo tēna kōrero. 

Ēhara mā mātou hei tuku atu wa mātou whakaaro ki a rātou, mā rātou kē hei tuku mai o rātou whakāro.

Kua tukuna ki Te Pātaka Ōhanga tae rawa ki te rua tekau mā tahi o tērā marama ki te whaklatika i ngā wāhi e hapa ana mātua rā te taha ki ngā pūtea taurewa arā he tikanga hōu e tukuna anake ai te pūtea ki ngā kaupapa tākoha, ki te kore kei riro tana mana tākoha.