Karekau ngā tangata whenua i tuku i o rātou tino rangatiratnga ki te Karauna

Karekau ngā tangata whenua i tuku i o rātou tino rangatiratnga ki te Karauna.

Mai rā anō tēnei kōrero a ngā rangatira i hainatia ai Te Tiriti o Waitangi, engari he whakatau kua taka ki runga te taringa hōkeke. 

Heoi, i te rā nei, ka whakamanahia aua kōrero e Te Rōpu Whakamana i te Tiriti o Waitangi, i tāna whakahoki ki te wāhanga tuatahi o ngā kerēme a Ngapuhi.

He pūrongo e kite ana i te tika o nga tuhinga o te tiriti reo Māori me te hē o te tiriti reo pākeha.

E ai ki a Te Waihoroi Shortland, “Ko te mahi nui mā tātou e kitea ai tō tātou rangatiratanga.  E pēhea tā tātou parau ianainei i te hurahi kei mua ia tātou e au ai te noho a te motu.”

E metia ana, na tenei tino mahi a te taraipiunara e huri koaro ai t e ture o tenei whenua no nga kotahi rau e whitu tekua tau neke atu kua hipa.

Hei tā Hokimate Painting, “Te hiahia o ngā tūpuna nohotahi tātou te iwi Māori me rātou ngā kōti whero me kī ki te whakariterite ture pai mo te katoa, ehara mo tētahi.”

He pūrongo tēnei e titiro ana ki te āhua o te tiriti me te he whakaputanga me o raua hononga ā kahore i muri atu.  

Engari kua titiro noa atu ngā hapu o roto o Ngāpuhi he aha ra ngā mea kei muri mai hei whakahaere ia rātou amuri.

E ai ki a Patu Hohepa, “Me haere pēhea te kāwanatanga me titiro na rātou i tango i te mana Māori ma rātou e whakahaere i ngā tau neke atu i te kotahi rau tau kua tae ki te wā whakahokia mai.”

Nō te rā nei ara mai anō he tauira mā ngā iwi o te motu e arotake i o rātou anō whakataunga tiriti.