Mēnā he Honda Torneo tō waka me tere tō kite mēnā kei konā tonu. Katahi anō a AA Insurnace i whakarewa ake i tā rātou rārangi īngoa o ngā motuka 10 e kaha whānakohia ana o te motu.
Ko te Honda Torneo te motukā kua kaha whānakotia i te motu, hei tā AA insurance.
He take tēnei e kaha kitea ana e ngā Pirihimana o Manukau ia rā.
E ai ki ngā pirihimana neke atu i te iwa rau ngā motukā kua whānakohia i ngā marama e toru ki te tonga o Tāmaki, he tekau motukā ia rā. I te mutunga iho ka tae mai ki kōnei.
Ko ngā motukā Mazda, Subaru hoki kei te rārangi īngoa.
E hia kē rau ngā motukā ka whānakohia ia tau, engari ko ngā wāhi ōrite e kaha kitea tonutia.
Nō reira mehemea he kaitāraiwa waka koe, kaua e tuku mā tūpono tō waka e tiaki.
