Kei Heretaunga ngā toa CrossFit ā-motu

I tīmata te whakataetae takitahi CrossFit nui rawa o te motu, arā ko te Industrial Athletic Open i ēnei rā okioki, me te mea nei, i tau mai ai hoki ētahi o ngā tāngata rongonui mō o rātou nakawhiti ki te Matau a Māui ki te whai i tēnei kaupapa.

E rua ngā rā tēnei heipūtanga e haere ana, ahakoa, tauhou mai, toa mai i manawa kai roke ai rātou ki mua tonu i ngā whakataetae ā-rohe, kātahi ko ngā whakataetae ki Amerika.

Kua tipu matomato te rahi o te whakataetae ia tau, ka mutu, he mea whakahirahira tēnei whakataetae ki runga i te maramataka CrossFit.

Koinei hoki te whakataetae nakawhiti tuatahi i te motu kua waihangahia tana ake pūmanawa tautono, kia whakahoungia ko wai e angitū ai i ngā wāhanga o te whakataetae, me ētahi atu kōrero hei āwhina i te hunga whakataetae.