Kei mua te ihu a Te Ururoa Flavell i te rohe pōti o te Waiariki

Kei mua rāno a Te Ururoa Flavell i te whakataetae ki te rohe pōti o te Waiariki, e ai ki nga tatau uiui pōti a Whakaata Māori.

Kei mua a Te Ururoa Flavell e oma ana, āpiti atu i kite hoki tātou i te aranga mai o Rawiri Waititi o te Rōpū Reipa, ā, te āhua nei kua tangohia e ia ētahi o te hunga tautoko a Annette Sykes o te Pāti MANA.

Mārakerake te kitea te tōmuatanga o Te Ururoa Flavell i te rima tekau ōrau, ko Annette Sykes o MANA kei muri noa atu i te rua tekau mā tahi ōrau, heoi ko te mea whakamere ia, ko te nui o te tautoko mō te kaitono o Reipa a Rawiri Waititi i te tekau mā whitu ōrau.