Kei ngā tōpito o te ao te toro a Ngāpuhi Nui Tonu

Whakarauika mai ana te tini ngerongero, ki Te Kaikohekohe i te rā nei.

Hei tā te heamana o Te Rūnanga ā-Iwi o Ngāpuhi, tā Sonny Tau, “Tēnei rā ahurei o Ngāpuhi hei toro atu i ngā ringa o Ngāpuhi ki te ao kia tae katoa mai te ao kia tautoko katoa i a Ngāpuhi ki te kite he aha tēnei mea Ngāpuhi.”

Hei tana anō, arā ngā kaituitui i te ahurei nui nei, he wā anō tēnei kia waiho ai te iwi ngā kaupapa porotiki o te wā, kia whakatōpū ai i runga i te whakaaro kotahi.

“Tēnei rā me waiho ngā porotiki ki waho, tukuna atu a Ngāpuhi kia hari ki a ia anō tari ki te wā kia puta ēnā kōrero.”

E rua rā te roanga o Te Ahurei o Ngāpuhi, ā, ko ngā mahi whakangahau, toa hokohoko, whakaatu i ngā mahi toi me ngā mahi wānanga i te Ngāpuhitanga ētahi o ngā kaupapa e whakahaerehia ana.

E kī ana te kōrero, ko te pū o te wheke o Ngāpuhi tēnei, e totoro atu ana ki te ao, i runga i te whakaaro o te kōkiri pūtahi.