Kua eke te kapa Black Caps ki ngā whiringa whāiti o te whakataetae Twenty20 a Ao, i tā rātou turaki ia Pakistan mā ngā oma rua tekau mā rua i te ata hāpara nei.
E noho hinga kore ana a Aotearoa i tēnei whakataetae, whai muri tā rātou turaki i te hau kainga, ia Inia raua ko Ahitereiria hoki i ngā tukinga ā puna i tēra wiki.
Ko ngā Pōtae Pango tēra i hahau tuatahi, me te whai tā rātou kaute nui rawa o tētahi whakataetae, kia oti i te 180.
Ko Martin Guptill te take i eke ai rātou ki taua nama, i tana ekenga i ngā oma waru tekau i ngā epa whā tekau mā waru.
Ahakoa he pakari a Pakistan i te timatanga o te tukinga, he pakari ake ngā kaiepa nō Aotearoa ia rātou, i hinga mā ngā oma rua tekau mā rua.
Nā tēnei wikitōria kua whakatau ka eke a Aotearoa ki ngā whiringa whāiti o te whakataetae, kia noho hinga kore hoki i tā rātou puna. Ko tā rātou tukinga a puna whakamutunga ki te kapa Bangladesh ka tū hei te Rāhina.
