Kei Raro Anō Ngā Tamatoa E Putu Ana

He tekau ma rua ki ngā Tamatoa, he toru tekau mā waru ki ngā Kaiurutomo o Canberra, koia ngā kaute mutunga o te tukinga ki te taiwhanga o Yarrow.

Na Blake Austin te piro tuatahi, he hapa waimaria te piro na Joseph Leilua, ā he koha noa iho te whiwhinga ki a Jarrod Croker na te koretake o te rārangi ārai a ngā Tamatoa, anei ngā hua ko ngā piro e toru.

Ko ngā whana piro ā Croker tāpiri ki ngā whana hāmene i tutuki, ko ngā kaute o te haurua tuatahi e rua tekau ma rua ki te kore.

Hikakā ana te puta a ngā Tamatoa i te haurua tuarua, ā he tarai kia Shaun Johnson te hua, engari hoki atu hoki atu taua āhua tākaro ngoikore me ngā hapa o te haurua tuatahi, e toru katoa ngā piro, ko Josh Papalii, ko Josh Hodgson me Edrick Lee i nanakia.

He wā whakatā mo ngā Tamatoa te wiki e haere ake nei, heoi hei te wiki whai muri, ko te mahi nui he pereki i ngā hōiho tāriana o Piripane.