Tekau mā whā mano ngā whare a Te Kaporeihana Whare o Aotearoa me whakatika kia arai atu i ngā aitua tukinga ara taraiwa.
Tokoono ngā tamariki ka mate ia tau ki Aotearoa nei, a, ko te whānuitanga o te raru e kaha kitea ana ia rua wiki he aitua tukinga ara taraiwa ka pa ki te tamaiti kōhungahunga.
Ko te tū ahua hanga o ngā ara taraiwa o ngā whare kaporeihana te aro nui. Te tini maha o ēnei aitua ka pā ki ngā taone nui me ngā wāhi e noho pātata nei ngā whare.
Toru tekau miriona tāra te pūtea kua whakatōpuhia e te kāwanatanga hei pīkau i te take nei mō ngā tau e whā kei mua i te aroaro. He ara tēnei hei awhina ki te arai atu i te tokomaha o ngā tamariki e mate, e aitua kinotia ana.
