Kei te hē kē atu ngā raruraru whai whare i Porirua

Kei te hē kē atu ngā raruraru whai whare mā te hunga rawakore i te hapori o Porirua, i te nui tonu o ngā whānau e hiahia whare kaporeihana ana. E waru anake ngā whare e wātea ana hei tono mā ngā whānau kotahi rau, whitu tekau mā toru. Ko te toenga, ka mahue ki rahaki.

E ai ki a Liz Kelly o te Whare Whānau i Porirua, kua ongeonge ngā whare, ā, kua noho apiapi ngā whānau.

Harehare ana ngā tatauranga kua puta i te Kaporeihana Whare i te rā nei, ā, he kotahi rau whitu tekau ma toru ngā whānau e tatari ana mō tētahi whare, engari nā ngā whakatikatika he kotahi mano rua tekau ma toru e kore wātea. Ā, kua waiho mai e waru whare noa hei tohatoha ki ngā whānau.

I a Kris Faafoi e kōrero tahi ana me ēnei tamariki harikoa i te Whare Pāremata i te rangi nei, e mōhio ana ia, ehara pēnei i te āhua o ētahi whānau i Porirua.

He oati nui tā te Rōpū Reipa kia hangaia ngā whare kotahi rau mano i roto i ngā tau tekau e tū mai nei.

Engari e ai ki a Liz Kelly, mā rātou anō te raruraru e whakatika.