Kei te kaha hāere te āwangawanga i runga i a Mauna Kea mō te hunga porotēhi i mauheretia inanahi, engari inaianei kua tukunga atu rātou, ā, kua hoki atu ki te mura o te ahi.
He whawhai kua roa nei e hāere ana mō ngā iwi taketake o Hawai’i me te kamupene e whakahāere ana ki te whakatū i tētahi karu whakatata, toru tekau mita tōna teitei, ki runga i tā rātou maunga tapu.
Neke atu i te whitu rau ngā kaiporotēhi i tū totohe ki runga i te maunga ki te aukati i te rori matua e ahu atu ai a TMT ki tāna wāhi mahi.
I tukuna te riri e ngā pirihimana mo te toru tekau meneti noa, katahi ka tomokanga atu. Engari i te tuatahi, ka whakarārangitia ēnei tamariki nohinohi ki te tuku taonga i runga i te ngākau aroha.
I wāenga i ngā kaiporotēhi, ko tētahi o ngā kaihopu whakaahua Māori, ā, ko ngā tūāhuatanga rerekē i kitea.
Hei tā Te Rawhitiroa Bosch, “He rerekē ngā pirihimana o konei ki ngā pirihimana o te kainga. Tuatahi he mau pū te katoa ana koinei ngā ahuatanga o Amerika.”
Ka whakatārewahia ngā mahi whakatū i te kotahi ira whā piriona tāra o te whare karu whakatata, kia puta ake tētahi whakatau tika.
Engari e kite ana, ka hāere tonu ngā raruraru mō tēnei take nui ā te iwi.
