Ko ngā tungāne McKenzie nō Ngāti Tūwharetoa me Taranaki e whanake ana i roto i te kapa Chiefs i tēnei tau tākaro.
I kapohia ake a Marty me tana teina a Damien e te kapa Chiefs i tērā tau, a Marty mai i te karapu Blues, a Damian whai muri i tētahi tau kaha mā Taranaki i te whakataetae ipu ITM.
I whai urunga tuatahi a Damian ki te ope whakaeke i tērā wiki, i te tukinga ki te kapa Hurricanes e noho atu ana ki te tihi o te whakataetae i tēnei wā, ā ka mīharo hoki te tū a Marty ia wiki, ia wiki.
He tāwhainga ki waenga i ēnei tungāne e noho tahi ana, e whakangungu tahi ana me te tākaro tahi mā te kapa Chiefs.
Ko rāua tahi i tākaro whutupaoro mā Aotearoa i te tau 2014, i te kōkuhunga o Marty ki te tira Ōpango Māori i tā rātou haerenga ki Hapani me te tākaro a Damian mā ngā Ōpango U20.
E tūmanako ana a Marty ki te kuhu anō ki te poraka Ōpango Māori i tēnei tau, i te haerenga ki Whītī me te tākaro ki ngā Barbarians o Aotearoa i te wā kāinga nei.
Ko tō rāua aronga i tēnei wā, ko te tukinga hau kāinga a ngā Chiefs ki ngā Bulls i Waikato Stadium hei te pō Paraire.
Kei tā mātou karere, kei a Rewa Harriman ētahi kōrero anō hei te roanga atu o te rā.
Whai atu i a ia www.facebook.com/TeKaea
