Kei te nuku atu a Waimarama Taumaunu i tōna tūranga hei kaiako matua o te kapa Rarauhe Hiriwa.
He whakawātea i te ara ki te toto hou ki te tūranga kua nohoia e ia mō ngā tau e whā.
Hei ko tāna, ko te maharatanga nui māna ko ngā tini hononga i hīnatore mai i tōna noho ki te karamatamata o te poitarawhiti.
Toru tekau mā whā tau kei ngā kōtihi poitarawhiti. Nō te rā nei tō ai te rā ki a ia.
He aronga hou mō tōna anamata. Kei te whakawātea mai te kaiako matua o te kapa Rarauhe Hiriwa i tana tūranga, e meangia nei e ia "anō nei ko tōna tamaiti."
He reo tātaki i kāpenehia te kapa Rarauhe Hiriwa ki te mētara koura i te tau waru tekau mā whitu.
Ko ia hoki te kaiako matua o te kapa o Ingārangi i te tau iwa tekau mā waru mō ngā tau e rima, kei ngā hōro hautoa hākinakina Māori me te motu tōna ingoa
Ā, nā tōna noho hei tuarua ki a Ruth Aitken, rua mano tekau mā tahi a ia i mahuta ai ki te tūranga tuatahi o te motu.
He taikura, he taikākā ki tōna taumata, nōna te ringa hāpai, ringa poipoi anō i te reanga poitarawhiti hou o te motu.
Nō tēnei haora tonu katia ai te wā tono mō te tūranga kaiako o te motu, ka huri ināianei tōna aro ki te kapa kua hia tau nei te roa e tatari ana ki a ia
Kātahi te tākaro papai rawa atu ko tērā.
