Kua ora mai te wharenui tawhito nei nei o Hinemihi i tētahi ahi nui kua tīkohu i te wharenui o Clandon Park, ki Surrey i te whenua o Ingarangi.
He kiriata tēnei i kapohia mai i te taha Tū o Hinemihi e anga atu ana ki te taha whakamuri o Clandon, he taonga ā-motu i pupuri i ētahi kohinga taonga nō ngā tau tekau mā waru rau, he hōro matua i hangaia ki te hīmiti tōna, ā, i tiaki hoki i ngā taonga hoia o Surrey.
I taea ētahi o ngā taonga te whakarauora mai, heoi ko te nuinga kua kaingia e te ahi. He kotahi rau, e rua tekau mā toru tau a Hinemihi e tū ana ki te taha o Clandon, te marae o te whānau Onslow mai anō i ngā tau tekau mā ono rau.
Nā te Eara Tuawhā o Onslow, nā William Hillier Onslow, a Hinemihi i whakahoki atu ki Clandon Park i te otinga o tāna mahi hei Kāwana o Niu Tīreni i te tau tahi mano, e waru rau, e iwa tekau mā rua.
