Kei te pakari hāere te tinana o Jackson Willison

Ko te manako o tēnei uri o Ngāti Mahuta kāhore e roa ka hoki ano ia ki te papatakaro nā te mahere whakaoranga kua whakaritea māna.

Ka tapiri atu ko tana hoa takaro waenga a Francis Saili ki te rarangi whara me te hiku a Charles Piutau, rātou ko te tautohito poutoko a Piri Weepu engari whakapau kaha ana rātou katoa i te whare whakapakari tinana i te rangi nei.

Ka mutu, i a Jackson e whakaheke tōtā ana kia hoki atu ki te papatakaro mā ngā Blues, ruarua noa ngā tukinga e toe ana māna ki taua poraka i mua i tana wehenga atu ki Wiwi, kia piri atu ki te karapu a Grenoble mō ngā tau e rua.

Heoi i te tuatahi, me whakakaha anō ia i tana rirapa kātahi ka hīki i te kapa Blues kia oti pai ai tana tau takaro whakamutunga ki te wā kāinga nei.