Kei te hāere tonu ngā raruraru a Te Roopū Taurima, Nā wai i hē, kātahi ka hē kē atu.
Hei tā Tony Tietie, “The complaint has been lodged to the Serious Fraud Office and is also in the hands of the Auditor General and they will be conducting their investigations in due course.”
I te Rātū i kati te tari o Te Rōpū Taurima i Kirikiriroa na te kaha whai a te hunga pāpāhō i a rātou, i pā mai te kōrero ki a Te Kāea kei te aroturukingia ngā īmera me ngā waea o ngā kaimahi kia kāua ai ētahi kōrero e puta atu ki te hunga pāpāhō.
I tuku a Malcolm Robson te Tumu Whakarae o Te Roopū Taurima o Manukau i tēnei karere e mea ana ka hui tahi ai ngā rangatira o te tarahiti me te manatū Hauora i tēnei rā.
Kei roto hoki i te karere e mea ana "E whakaae ana te tarahiti ki tērā o ngā whakatewhate, ā, kua tūwhera a rātou kuaha."
Kua rere te whakatūpato a rōia ki a Tony Tietie i te tarahiti, ki te hāere tonu ana kōrero e pā ana ki te tarahiti ka tohea ki ngā kōti.
