Kei te riri ngā hapū o Poroti nātemea kua whakaaetia mā tētahi kamupene o rātou wai e hoko ki Haina

Kāre anō kia tatū noa na wai te wai, hēoi kei te tukuna kē e ngā mana kāwana kia hokona atu ki tāwāhi. 

Koinei te aue a ngā hapū o Poroti, i Whangarei ki te whakaaetanga, mā tētahi kamupene o Tāmaki o rātou wai e hoko ki Haina. 

Kei te takariri ngā hapū o Poroti kua whakaaetia mā te kamupene o Zodiac Holdings Limited i roto o Tāmaki e hoko i o rātou na putunga wai.

I raro te ture parongo ōkawa kei te rangahau i ngā whārangi o ngā mana kāwana hei tautoko i te pūrongo a Te Taraipiunara o Waitangi mō ngā wai Poroti e metia ana ka puta hei te roanga o te tau.

Kahore te Kaunihera a rohe o Te Taitokerau i pai kia kōrero a kanohi mai ki Te Kāea mō tēnei take. 

Kahore hoki e whakaae ana ki te kī a ngā hapū kei te mimiti ngā wai o Poroti i te nui o ngā wai e tukuna ana kia tango ake.

Nō tērā atu rau i kahetitia ai tēnei awa o Waipao hei puna wai mā ngā hapū o Poroti a Te Uri Roroi Te Parawhau me Te Mahurehure. 

Engari taka mai ki tēnei rā e mea ana ngā hapū kua noho rāwaho kē rātou i roto i ngā whakahaere o tēnei taonga.

Kahore anō kia tatu noa ngā motika a ngā hapū ki o rātou nā wai kei te tuku raihana kia rāwaho hei hoko ki tāwāhi.