Kei te tākoha te uniana i ngā raurau kai ki ngā whānau e noho taumaha ana

He tata ki te rua rau ngā takoha kai mā ngā whānau kāore anō kia whiwhi mahi i roto i ngā wiki tekau mā whā neke atu.

Nā te mahi ngātahi o te uniana me ngā rōpū hapori, mō ngā wiki tekau ki muri i tākoha rātou i ngā raurau kai ki ngā whānau e noho taumaha ana.

Kua whakaritea e rātou tēnei wāhi hei tautoko i ngā kaimahi kia tāea e rātou te whiwhi kai, utu hoki i ā rātou nama pērā i te mōkete me te rēti.

I oti pai te tohe a ngā kaimahi i te kōti take mahi i tēra marama. Ā kua roa tēnei take e hāere ana i raro i ngā kawenata whakāetanga tangata takitahi. Ko te tikanga o taua whakāetanga he roa rawa ngā hāora mahi engari he iti te utu.

Kei te hiahia ngā kaimahi kia hoki atu ki te mahi i raro i te kawenata tawhito, engari kei te raru tonu ngā matapakinga ki waenganui i te uniana me Affco Talley, nā reira, ka whawhai tonu rātou ki te kooti a tēnei Rāhina.