Kei te tihi o te ao a Portia Woodman

Rahia Timutimu

I wehe tekaitākaro takiwhitu toa wāhine a Portia Woodman ki Rānana inapō, engari kāore ko te mātaki i te whiringa toa o te Ipu Whutupōro o te Ao te whāinga matua.

Ko ia tētahi kei te whiringa whāiti mō te taitara wahine toa o te ao ki te pō tuku taonga whutupōro o te Ao, ka tū hei te rā whai muri iho i te whiringa toa ki te Ipu Whutupōro o te Ao ki waenga i a Aotearoa me Ahitereiria.

Ko ia tētahi o ngā kaitākaro e rua nō Aotearoa, ka haere tahi ia me tana hoatākaro a Sarah Goss.

Ko Portia te makau o tēnei taitara, i riro i a ia ngā piro rima tekau mā rua i tēnei peka o te tau, nā whai anō ko ia te tuarima o ngā kaitākaro whutupōro katoa, wāhine mai, tāne mai, kia eke ki te taumata, nui ake i te rima tekau ngā piro.