Kei te whai āwhina tētahi tangata ki te hanga "Diorama" o te whakaekengia o Karipori i te Pakanga Tuatahi

updated

He whakakitenga "Diorama" o te whakaekengia o Karipori i te Pakanga Tuatahi, kei te hangaia e Nick Papadopoulos o Manukau, ā kua puta tana tono ki te hapori hei āwhina i a ia ki te peita me te honohono ia hōia e rua mano, kia āta kitea ai o ratou kākahu rerekē.

I tērā tau i oti iaia he "Diorama" o te Pakanga o Kiriti e whakātu mai ana i ngā hōia o Tumatauenga, engari ko tēnei kaupapa kei te āhua tōmuri te haere.

Koia nei te whakakitenga e kīa nei he "Diorama" o te Pakanga o Kiriti i oti ia Nick Papadopoulos i tērā tau.

Hei tā Nick Papadopoulos, “Ae kei kona ngā tohu o te Ope 28 a Tūmatauenga, mēnā ka whakatata atu te kāmera ka kitea ngā Pākehā me ngā Māori hoki.  Pau rawa ngā haora ki te peita i ia hōia, kia kitea te hanga o ngā momo iwi katoa.”

Kei te hangaia anō tētahi whakakitenga i tēnei wā engrai kei te āhua tōmuri, ko te Pakanga i Karipori tērā, me te wawata a Nick Papadopoulos, mā te āwhina a te hapori pea ka taea te whakaoti tika i tēnei o ana mahi.

Ki tā Nick Papadopoulos, “Ko taku tino hiahia kia kitea mai te tino kikino o tērā pakanga, me te mea anō e hia manomano tāngata kē e whawhai ana.”

Ko tētahi whakakitenga te hua o ēnei mahi, ka tūwherahia ki te whare o Youthline ki Papatoetoe hei te 20 o tēnei marama tonu, me te aha kua aro whakamua kē a Nick ki te whai moemoeā noa atu.

E ai ki a Nick Papadopoulos, “Akene ka hangaia e au te Pakanga o Alamein, tērā i Itari rānei, mēnā ia au ngā pukenga o Peter Jackson ka hoki rānō au ki te Pakanga o te Boer.”