Kei te whakapou kaha te rōpū kaiārahi ā-iwi ki te kimi huarahi e āhei ai ngā marae te whiwhi wai Māori

Ko te kounga o te wai he kaupapa whakahirahira i te whenua nei, ā, kei te whakapeto ngoi te rōpū kaiārahi ā-iwi ki te kimi huarahi e āhei ai ngā marae huri noa i te motu ki te whiwhi wai Māori mō te inu.

He take nunui rawa te kōunga o te wai ki ngā ūpoko o ngā iwi puta noa i te motu.

E ai ki a Ngahiwi Tomana, “Whakamomo nei ngā tāngata haere tata ki ngā marae kaipamu rātou e tipu waina e tipu kiwifruit anō hoki nā rātou e momimomi te wai mai ngā marae tūturu.”

Ko te wai o manawawhenua o Heretaunga, he wai kounga rawa atu o te motu, tūturu, kei te whakapātaratia te wai e ētahi kaumpene kia tuku atu ai ki Haina.

Ko te wero ināianei, ko te pupuri tonu i taua āhuatanga o te wai, he take e whakaaetia ana e te karauna.

Hei tā Tomoana, “Kia āhei rātou kia tangohia te wai pure te wai mā te pai tino pai rawa hei whangaihia hei horohia te whānau me te hapū.”

Hēoi, me matapaki kōrero te karauna ki te iwi i mua i ngā whakataunga. Ka tū ngā hui puta noa i te motu ki te whakamōhio atu i aua kōrero ki ngā iwi hapū.