Koinei te wā o te tau e kaha wepua ai ngā kapa o te whakataetae Super 15, i ngā whakaharatau tomua. Ko te kapa Blues anō tērā e oma ana i te ao, i te pō.
Mārakerake ana te kitea, pau haere ana te hau o ēnei kaitākaro Blues.
Heoi he mea whakaharahara tēnei kia rite mārika ai te kapa ā-tinana nei mō te tau tākaro e haere ake nei.
Kua ora pai a Bryn Hall i te wharanga i tōna raparapa i pā i te whakataetae ITM nā reira kāhore e taea te karo atu i ngā whakaharatau oma, korikori tinana ranei.
I hui ngātahi tuatahi anō i te kapa i te Rāpare kua hori whai muri i tā rātou wā whakatā i muri mai i te tau tākaro Super Rugby me te whakataetae ITM Cup.
Ko ngā kaitākaro Blues i whai wāhi ki te kapa Ōpango Māori ka hono atu ki ō rātou hoa tākaro Blues hei tērā wiki, kātahi ka timata o rātou ake hikoitanga heke tōhā.
Ka au te moe o te kapa hei te pō nei, kātahi ka hoki anō rātou ki ngā whakaharatau pau te kaha āpōpō.
