Kei te whakarite te kapa wāhine whutupōro takiwhitu o Aotearoa i a rātou mō te tuawhā o ngā tonamana whutupōro takiwhitu

Kei te whakarite te kapa wāhine whutupōro takiwhitu o Aotearoa i a rātou mo te tuawhā o ngā tonamana whutupōro takiwhitu wāhine ka tū hei tērā wiki ki Kanata.  Kei Mauao ngā whakaharatau i tēnei wiki.

Ahakoa te poto o te wā mō tēnei kapa, kei te hāngai te mahi.

E ai ki te kaiako o te kapa, a Sean Horan, “E whā ngā rā i mua i tā mātou whakakotahi i a mātou hei te Rātapu ā, kei te pai te āhua mō Victoria, Vancouver.”

E rongo ana te kapa whutupōro takiwhitu wāhine i te uauatanga, ko rātou te whakaihuwaka o ngā tonamana e toru kua puta, engari kei reira ngā māharahara mō ngā kaitākaro.

Ki tā Horan, “Kei te mamae te kaki o Kayla McAlister, nō reira mō ngā whā tekau mā waru haora, ka āta tiro ki a ia i mua i ta mātou whakatau, ehara i te mea me tohu ko te kapa tino toa.

Tokotoru o ngā kaitākaro tekau ma rima kei te whakaharatau e kore e uru ki roto i te kapa ka rere atu ki Kanata hei tērā wiki.

Hei tā Horan, “Mō mātou kei te tiro noa iho ki tā mātou e hiahia ana, ahakoa ngā uauatanga, ko te aro ki a mātou me te anga whakamua.”

Ka whakatau ngā kaitākaro o te tīma kapa wāhine takiwhitu o Aotearoa āpōpō.