Kei te whakatau Te Kaunihera o Tāmaki i ngā ture waipiro hou mo Tāmaki Makaurau

Ko te rangi whakamutunga tēnei o te nōhanga a Te Kaunihera o Tāmaki ki te whakawā me te whakatau i ngā ture waipiro ki tōna rohe.

Neke atu i te rua mano ngā tuhinga kōrero kua riro i a rātou mo ngā ture e whakaarotia ana, ā, e whā rau ngā tāngata i tono atu ki te whakatakoto kōrero ki te hui, e iwa rā te roa. Ka mutu, ko te nuinga o ngā kōrero i puta mō te hunga rāngatahi e inu waipiro ana.

He whā rau ngā haurarotanga i rāngona e tētahi rōpū o te kaunihera o Tāmaki i ēnei rangi e iwa.

Hei tā Dr Taisia Huckle, “Mēnā ka whakaaro koe mo Eden Park, kātahi ka tāpiri he toru tekau, whā tekau mā ki tērā rōpū koira te iwa tekau māno.”

He kairangahau ture waipiro a Tākura Taisia Huckle, he tekau mā toru tau ia e kohi rangahau ana, hei ko tāna he nui ake te waipiro ka inumia e te hunga o Tāmaki ki ērā o te motu.

E ai ki a Dr Taisia Huckle, “He nui ake te hunga inu nui o Tāmaki, te nuinga he taiohi, he nui hoki ngā tatau mō ērā ka haere ki te hōhipera, me te aituā.”

Hei tā te ture waipiro hou, ka whakaheke ngā haora hoko waipiro ki ētahi o ngā toa, pāpārākauta, wāhi kai hoki ki ngā wahanga o Ponsonby, Newtown me te taone.

Hei tā Dr Taisia Huckle, “Ki ahau nei tērā ētahi ture e taea pea te kaunihera ki te tāpiri atu pērā ki te whakaheke i ngā hāora hoko waipiro,hei whakaheke i te wharanga o te Māori ki ngā hapori.”

E tūmanako ana ka whakaheke tēnei ture hou i ngā tatau whara e hangai ana ki te waipiro.