Ko tā ngā whānau pani o te hunga ka mate i te wāhi mahi, ka tohe tonu rātou kia whakamārotia ake te pire Whakahaumaru, Hauora hoki ahakoa ka hipa taua pire a te pō nei.
I kōrero a Te Kāea ki ētahi whānau e toru e noho pani ana i te matenga o ō rātou hoa tane, tama hoki i roto i ngā mahi poro rakau.
Kua ngana te Pāti Māori ki te whakakaha i te pire kia whai reo ai ngā kaimahi o ngā ahumahi ngāhere, maina, tapahi mīti hoki, me te whai wāhi atu o tetahi māngai haumaru mō rātou.
E ai ki a Marama Fox, “Anō na kia whakaroa ake te wā kia haria tō rātou nawe ki te kōti, anō na i tautoko mātou i a Peter Dunne ki te kite i ngā mahi hazardous high risk, kāre mātou e whakaae.”
Engari ahakoa aua panonitanga, kei te taumaha tonu ngā whānau nei.
Hēoi anō ahakoa ka whakaturengia pea te pire rā, ka whawhai tonu ngā whānau nei, kia kore ai tētahi totara e hinga anō i te wao.
