Ki te kore e tika ngā rori puehu ka kapi te rori matua

Ki te kore e tika ngā rori puehu ka kapi te rori matua.  Koinei te whakatūpato a te iwi ki ngā kaunihera a rohe o Te Taitokerau i to rātou hui i te rā nei. 

He take tēnei kua roa e kōkiritia ana engari ko te kawanatanga ā-motu kē e pupuri ana i ngā hereni. 

Kei te āta haere ētahi o ngā taraka inaianei engari e toitū ana te puehu, me te aha, kua tatū i ngā iwi ki tēnei hui me ngā kaunihera kia aukati i te rori matua ina kore rerekē ēnei āhuatanga.

Kei te titiro te kaunihera ki nga ara maha e oti ai ngā hiahia mā te pūtea tautoko a te kāwanatanga, arā, a Waka Kotahi.

Ko ngā rori puehu o te tuawhenua he takenui kua roa e whakararuraru ana i te hauora me te āhua noho  o ngā iwi o tēnei takiwā, nāreira te akiaki tonu i ngā kaunihera kia kite ake he rongoa.

E mea te iwi ko tōna tikanga he rori koura kē ēnei i te kaha nui o ngā take kei te utua e ngā taraka tinirau ki te whakamahi i ēnei rori engari e puehu tonu nei.

Inaianei, kei te kāwana te tikanga kia whakatikangi i ēnei rori kei kapi te rori matua.