Kii ana a Whangarei i te tini o ngā kaitautoko i te tukinga ki ngā Raiona

Kua teitei rawa atu te nuinga tāngata o Whangarei e te tini mano tāngata mō te tukinga tuatahi a te kapa Raiona ki Aotearoa hei tēnei pō.  Me te aha, e mea ana ngā manuhiri tūārangi e rongo ana i te wairua manaaki me te mahana o te iwi kāinga ki a rātou.

Pātere pai te ua engari hikohiko ana te wairua o Whangarei i ngā kaiwhaiwhai o te kapa raiona me te hau kāinga.

Ko tā te Koromatua o Whangarei, Sheryl Mai, he rangi mīharo tēnei.

Kii katoa ngā hōtera, ngā whare kai me ngā wāhi noho o Whangarei e te tāngata, ā, pau katoa ngā tikiti te hoko.

Kātahi te kaupapa whakahirahira hei hāpai hoki i te ōhanga o ngā rohe kāinga i runga anō i te matapae he toru tekau mano ngā kaiwhaiwhai ka tae ā-tinana mai ki Aotearoa hei te roanga o tēnei haerenga a ngā Raiona.

Ka mutu, i tūpono noa a Te Kāea ki etahi o te kapa Baabaas e hīkoi ana te tiriti kia tau ai te mauri i mua atu i te tukinga nui ki ngā raiona.  

Ka waimaria noa ētahi kia whiwhi ki ēnei tīkiti koura kei te tuku noa ki te iwi i tēnei rā.

Ahakoa pehea te otinga o te tākaro tuatahi a ngā Raiona ki konei, he pāti kei te haere ki Whangarei a te pō nei.